SYAIR LAMAHOLOT LAMAOLE

SYAIR LAMAHOLOT LAMAOLE

Bagian 1:

a.   Tana Solor,  Wato one

Eka solor, Para lolon

Tue bele, Raya aya

Doan lali, Lera gasu

Lela lali, Nuan lai

 Bua doan, Lali haka

Gole lela, Lali gere

Seba ni, gena lage

Deka niwan, lolu sao

Deka teti,  tana koten

Tolun  teti, lewo hayon

Tobo rai, heke mege

Pae rala, leka lawe

Tu’e epa, duun hope

Gelu bare, dawi awe

Doan take lela hala

Soni lewo, wani tana

Soga lango, jon doni

Iki uma, tena pelan

b.   Tana solor, eko lolon

Eka solor, para one

Oki doan, doan kae

Ulu lela, lela pete

Bapa nene, kaka moyan

Pau gote, pada mime

Wato puke, kayo langu

Tue bura, raya kume

Bua lali, wara haka

Gage lali, doni gere

Tutu heta, bapa koda

Mari ba, Ama kiri

Kaya pulo,Tu’e one

Nara Lema, Gelu mate

Soni Lango, Jon doni

Wani uma, Tena pe’le

Sida se’e, Tana tutu

Bega ba, Ile gole

c.    Tana solor, Eko lolon

Eka solor, Para one

Nare doan, Teti timu

Make lela, Lali wara

Jadi kopo, dewa mamu

Jadi sedo, dewa bare

Tawa tue, Gere raya

Gere sister, haka muder

Puji Pelewan, Lero getan

Tonga baa, nuan gai

Jon doni, ina Puken

Tena pelen, Ama nimun

d.   Solor Lamaholot, Tana Ke’

Solor watoone, Eka keni

Ata be’an, Redi hala

Ata bolo, Redi take

Tue bele, Raya aye

Bura apu, kume taha

Bua lali, Doan haka

Dage lali, lela gere

Tada tana, Deka niwan

Lili ekan, Lolu sao

Deka niwa, Tana koten

Lolu sao, Lewohayon

Pati pi, Soga Naren

Hogo bau, Iki make

Agama puken, Pi tana Solor

Tana Solor, Eka Wato

e.   Puji Pelewan, Bapa Belen

Tonga Baa, Ama Belolon

Bapa belen, Kelen Tukan

Ama belolon, Kowa lolon

Puji taan, Leron getan

Pelewan tala, Nuan gai

Bagian 2:

Lewo oki, Nolo doan

Tana ulun, Nolo lela

Lewo ole, Lama doan

Tana doan, Lamalela

Dei lango, Jon doni

Iki uma, Tena pele

Tun pululema, Naihiba

Wulan ratu nemu, Gasu lai

Ata Serani, Pulo kae

Tobo doan, Doan tana edan

Hebo wai, Lema kae

Pae lela, Lela kewakalolon

Bapa nene, Boka mayan

Koka mayan, Dele doen

Bali pi, Lewo oki

Pe un pi, Tana ulun

Jaga geria, Jon doni

Noti nato, Tena pele

Kua taa, Sape lero Pi

Tede mege, Sai nua  pali

Bagian 3:

 Ile teti, duan geda

Woka rae, Kowa gaba

Titi uran, Teti lodo

Lino wai, Rae hau

Duli lali, Loi pai

Pali lali, Gelete gere

Soro ehin, Pulo kae

Ehi pulo, Geta tun

Nei nama, Lema kae

Nama lema, Holo wulan

Bagian 4:

Ata serani, pulo kae

Hebo wai, Lema kae

Hugu pupu,  puji pelewan

Boma bama, Tonga baa

Puji pelewan, Bapa belen

Tonga baa, Ama belolon

Bapa Belen, Tobo teti

Ama belolon, Pae rae

Hule been, Teti lodo

Tede bolo, rae hau

Susa nula, Lali tana

Paya taga, Pali ekan

Leta nenan, Tala Bapa

Hawon nawon, Too ama

Susa doan, Woon lewo

Paya lela, Noon tana